Eglwys y Crwys

Oedfa arbennig i ddathlu 125 mlynedd

Gwefeistr — Tue, 03 Nov 2009 21:40:49 +0000

Cynhelir oedfa arbennig fore Sul 15 Tachwedd i ddathlu penblwydd yr achos yn 125 mlwydd oed.

I gofio’r achlysur cyhoeddir llyfryn yn cynnwys lluniau, atgofion a chrynodeb o hanes yr achos, a bydd copïau ar gael y bore Sul hwnnw.

Croeso cynnes i bawb.

Croeso i wefan Eglwys y Crwys

Gwefeistr — Thu, 08 Oct 2009 15:01:17 +0000

Detholiad o luniau o Eglwys y Crwys

Dewch yn llu i fwynhau’r Ffair Hydref!

Gwefeistr — Tue, 29 Sep 2009 20:01:50 +0000

Bore Sadwrn, 31 Hydref 2009, 10.00-12.00.

Stondinau a gweithgareddau:

Bric a Brac / Cacenau / Planhigion / Nwyddau Nadoligaidd / Llyfrau Ail Law / Gemau / Golchi Ceir / Te a Choffi a Bisgedi

Yr elw tuag at Gronfa’r Eglwys.

Astudiaethau Beiblaidd

Gwefeistr — Fri, 19 Sep 2008 20:21:42 +0000

Cynhelir Astudiaethau Beiblaidd bob pythefnos ar brynhawn dydd Mercher am 2.15 (am yn ail gyda’r Gorlan).

Dewch yn llu.

Y Gymdeithas Ddrama

Gwefeistr — Fri, 19 Sep 2008 21:14:53 +0000

Mae’r Gymdeithas Ddrama yn brysur iawn drwy gydol y flwyddyn gyda dwy gynhyrchiad a phanto.

Mae’r Gymdeithas yn cyfarfod bob nos Fercher am 7.30 yn Theatr y Crwys ac yn croesawu aelodau newydd i actio a helpu tu ôl i’r llwyfan.

Mae Theatr y Crwys wedi’i leoli yng nghefn yr Eglwys ar y llawr cyntaf, ac yn cynnal perfformiadau yn rheolaidd yn ogystal a digwyddiadau eraill gan gymdeithasau’r Eglwys.

Y Gorlan

Gwefeistr — Fri, 19 Sep 2008 20:13:14 +0000

Mae’r Gorlan yn cyfarfod bob yn ail brynhawn dydd Mercher pan ddaw siaradwyr gwadd i’w diddori dros baned o de.

Croeso cynnes i bawb.

Y Grŵp Merched

Gwefeistr — Fri, 19 Sep 2008 19:58:19 +0000

Mae’r Grŵp Merched yn croesawu siaradwyr ar amryw o bynciau e.e. llenyddiaeth a cherddoriaeth yn ogystal â chynnal gweithgareddau eraill.

Mae’r gweithgareddau yn cynnwys:

- nosweithiau ymarferol – trefnu blodau a choginio
- cyfarfod arbennig i baratoi a gyfer y Pasg
- noson er budd elusen
- gwibdaith yn yr haf

Y Gymdeithas

Gwefeistr — Fri, 19 Sep 2008 19:53:18 +0000

Ar drydydd nos Wener y mis, mae’r Gymdeithas yn cyfarfod. Maent yn mwynhau cyngerddau, siaradwyr, eisteddfod, trafodaethau a gwibdaith yn yr haf.

Mae’r Gymdeithas hefyd yn trefnu gwasanaethau arbennig – Nadolig, y Flwyddyn Newydd a’r Groglith.

Yr Ysgol Sul a’r Feithrinfa

Gwefeistr — Fri, 19 Sep 2008 19:46:34 +0000

Mae nifer fawr o blant yr Eglwys yn mynychu’r Ysgol Sul a’r Feithrinfa. Dewch i’r Crwys erbyn 10.30 ar ddydd Sul ac yna ymunwch â’r criw ar ôl y gwasanaeth dechreuol i ddysgu a mwynhau.

Yn ystod y Gaeaf, mae’r plant yn ymweld a’r Canolfannau Bowlio 10 a Sglefrio.

Yn ystod misoedd yr Haf mae Llŷn Cosmeston yn boblogaidd yn ogystal â’r Gymanfa Ganu a Miri Mawl.

Drwy gydol y flwyddyn mae’r dosbarthiadau yn cymryd rhan flaenllaw yn y gwasanaethau.

Cysylltu â ni

Gwefeistr — Sun, 25 May 2008 16:07:53 +0000

Mae croeso ichi gysylltu â’r Gweinidog, Y Parch Glyn Tudwal Jones, neu’r Ysgrifennydd, Mr R.O. Roberts, os hoffech ragor o wybodaeth am weithgareddau’r Eglwys.